Një ngjarje e rëndë ka ndodhur në Istog, ku një person dyshohet se ka vdekur në një pishinë të mbyllur, raporton Sinjali.
Rasti ka ndodhur në pishinën gjysmë Olimpike “Onix” në Banjë të Istogut, ku viktima po qëndronte brenda.
Sinjali mëson se viktima është Gëzim Hoxha 53-vjeçar, dhe gjatë kohës që po qëndronte në pishinë, viktima kishte kërkuar ndihmë nga stafi.
Mjeku kujdestar i pishinës i kishte ofruar ndihmë mjekësore dhe me autoambulant ishte dërguar në spitalin e Pejës, ku mjeku kujdestar e kishte konstatuar vdekjen e tij.
Me vendim të prokurorit, trupi i pa jetë dërgohet në IML për obduksion.
HETIM I VDEKJES
Banjë, Istog 30.03.2024-18:00. Raportohet se viktima mashkull kosovar derisa ishte në pishinë kishte kërkuar ndihmë dhe ishte ndihmuar nga shpëtimtari i pishinës. Mjeku kujdestar i pishinës i kishte ofruar ndihmë mjekësore dhe me autoambulant ishte dërguar në spitalin e Pejës, ku mjeku kujdestar e kishte konstatuar vdekjen e viktimës. Me vendim të prokurorit, trupi i pa jetë dërgohet në IML për obduksion.
