Një vrasje e rëndë ka ndodhur sot në Pejë, ku burri ka vrarë gruan e tij në banesën e tyre.
Për rastin ka folur vëllai i viktimës, Gjyljeta Ukella.
Ai tha se i dyshuari për vrasje, bashkëshorti i saj ka qenë në depresion.
Sipas tij, Edmond Lajqi ka pasur probleme edhe me lëndët narkotike.
“Hala se dim çka ka ndodh, a është dorëzuar dorasi në polici. Dhandrri u kanë në depresion. Me aq sa kemi njohuri dhune fizike nuk ka pas. Mbi 4-5 herë e ka denoncuar. Dhune psiqike ka pas. Ka qenë narkoman”, tha ai për Insajderin.
Vëllai i Gjyljeta Ukellës, Dardani, ka folur për Insajderi, pas rastit tragjik të vrasjes së motrës së tij nga bashkëshorti, mëngjesin e sotëm në Pejë.
Ai ka mohuar raportimet se ka pasur konflikt fizik me ish-dhëndërrin e tij – Edmond Lajqin – i cili dyshohet se vrau gruan e tij mëngjesin e sotëm në banesën e tyre në qendër të Pejës.
Dardan Ukella ka thënë për Insajderi, se ka pasur kontakt ditëve të fundit me motrën e tij, e cila siç thotë Dardani, i është ankuar se gjendja e burrit të saj nuk është e mirë.
Por, gjithmonë sipas pretendimit të Dardanit, asnjëherë motra e tij nuk është ankuar se ka pasur dhunë fizike nga bashkëshorti i saj, Edmond Lajqi.
Prokurori i Krimeve të Rënda në Pejë, Ersan Qavolli tha se një vrasje makabre ka ndodhur sot në qytetin e Pejës, derisa foli para mediave pas ekzaminimeve të kryera në vendin ku u vra sot Gjyljeta Ukella.
Në fund, ai thotë se ka shumë gjëra për t’i folur, por që tani nuk është momenti.
“Po, kam pasë kontakt kohët e fundit me motrën. Ka shumë sene që duhet mi folë po jo për momentin. Nuk kam pas ndonjë konflikt me dhëndrrin, as fizikisht as verbalisht. Ai qe 10 vite u kanë në depresion, nuk u kanë fort mirë, edhe narkoman po don me dalë. Motra është anku këto ditë për to, që su kanë mire po ai kurrë se ka prek, nuk ka pasë dhunë fizike”, ka thënë Dardan Ukella – vëllai i Gjyljetës.
Familja Ukella ka hapur të pamet në shtëpinë e tyre për Gjyljeta Ukellën.
Derisa, i dyshuari për krimin e rëndë, Edmond Lajqi, është vetëdorëzuar në polici dhe tani ekipet hetimore janë duke intervistuar atë.
Çifti kishin tre fëmijë, një djalë dhe dy vajza.
Lidhur me rastin përvec familjarëve, kanë reaguar edhe krerët e institucioneve dhe figura publike.
Ukella u ekzekutua në banesën e saj nga bashkëshorti Edmond Lajqi.
Çifti jetonin bashkë në banesën ku u krye krimi dhe kishin tre fëmijë.
